Kuupik isumaqatigiittoqarnissaanik ilimasuppoq
Inuussutissarsiornermut ataatsimiititaliap aatsitassanut suliniutinullu angisuunut inatsisissanut isumaliutissiissutai Naalakkersuisunit ippassaq ualikkut oqaluuserineqarput. – Isumaqatigiinnissarput ilimagilluinnarpara, Kuupik Kleist oqarpoq
Naalakkersuisut ippassaq ualikkut ataatsimiinnerminni Inatsisartuni inussutissarsiornermt ataatsimiititaliap aatsitassanut suliniutinullu angisuunut inatsisissanut ullumi sisamanngornermi inatsisartuni aappassaaneerneqartussanut tallimanngornermilu pingajussaaneerneqartussanut isumaliutissiissutai oqaluuseraat.
Læs "Udvalg: Kinesere skal kunne strejke"
Inuussutissarsiornermut ataatsimiititaliap allanngutissatut siunnersuutai tamakkerlugit naalakkersuisunit akuerineqassanersut naalakkersuisut siulittaasuata Kuupik Kleistip, IA, Semritsiaq.AG-mut oqaatigerusunngilaa, imali oqarluni:
- Inuussutissarsiornermut ataatsimiititaliap inassuteqaataanut nalinginnaasumik tusaaniartorujussuusimavugut.
Tamannalu isumaqarnersoq siunnersuuteqartoq naalakkersuisut peqataaffigerusunngisaannik paasinarsiumaarpoq. Kuupik Kleistili ulluni aggersuni oqallinnissamut isumalluarnermik ersersitsivoq:
- Naalakkersuisut Inatsisartullu isumaqatigiinnissaat ilimagisorujussuuara, Kuupik Kleist Sermitsiaq.AG-mut oqarpoq.