Inersimasut meeqqat ineeraannik attartortartut
Nuummi inissarsiortut najugassaqarumallutik 3.000 koruuninik akiliillutik ilaqutariinni meeqqat ineeraannik qujarussinissamut piareersimasarput
7.500 koruunit.
Nuummi ineeqqamut ataatsimut akigitinneqartut maannamut qaffasinnersaat AG-mit nassaarineqarsinnaasoq taama akeqarpoq.
Sapaatip-akunnerani matumani AG-mi ineqarniarneq equngasorujussuaq attartornermut akit ilaatigut illoqarfissuarni Parisimi, New Yorkimi Tokyomilu taamaallaat takuneqarsinnaagaluartut qaffasissusaannut qanillattortut malersoqqinneqarpoq.
Illoqarfimmi inissarsiorluni ussassaarutit atuaqqissaaraanni inissaaleqinerujussuaq paasinarsissaaq, tamatumanilu allaat inuppassuit inissiani ilaqutariit meerartallit inigeriigaanni ineeqqanik naammaginniinnartariaqartarlutik.
Allat ineeqqanik taamaallaat neqeroorfigineqartarput tamatuma peqatigisaanik illumi ikiortitut sulisinnaagunik.
Sapaatip-akunnerata tulliani AG-mi ineqarnermut tungasunik sammisaqarnini nangissavaa. Ilaatigut inissiaq qaammammut 30.000 koruunilerlugu attartortinneqartoq oqaluttuarineqassaaq.
Aviisi sapaatip-akunnerani matumani saqqummersoq matuma ataani pisiarisinnaavat