Aatsitassanut ernumassuteqarneq Kuupiup paasisinnaavaa

Naalakkersuisut siulittaasuata paasisinnaavaa ´inuit ernumanartoqartimmassuk isertitassat ilaat annaaratarsinnaagivut´. Immikkut ilisimasallit tamatumani Kalaallit Nunaat ataavartumik siunnersortassavaat

Naalakkersuisut siulittaasuat Kuupik Kleist, IA, saarleq aamma inuussutissarsiornermut aatsitassanullu Naalakkersuisoq Ove Karl Berthelsen, IA, tunorleq. Ass.: Leiff Josefsen

- Neriunartumik aatsitassarsiornerup suliniussuillu ingerlatilernissaanni kalaallit inuiaqatigiit sapinngisamik annertunerpaamik pissarsinissaat Naalakkersuisut qaqugukkulluunniit sulissutigissavaat. Suliassaq tamanna nukittorsarniarlugu Naalakkersuisut immikkut ilisimasalinnik pilersitsipput.

Taamatut tusagassiorfinnut nalunaarutikkut Naalakkersuisut siulittaasuat Kuupik Kleist, Inuit Ataqatigiit, allappoq.

Taanna oqaluttuarpoq immikkut ilisimasaqaqatigiinnut ilaasortaassasut immikkut ilisimasallit nunanit tamalaaneersut, piiaaffinnik ingerlatsinermi aningaasarsiornermillu misilittagallit. Immikkut ilisimasaqaqatigiit Kalaallit Nunaat ataavartumik siunnersortassavaa, namminersorlutik oqartussat isertitantik qanoq isillutik pitsaanerpaamik nakkutigisinnaaneraaat.

Atuaruk "Transparency Greenland: Suliniussuarnut inatsit sioqqullugu innuttaasut tusaaniarneqarlik"

Atuaruk "Siumut: Kuupik innuttaasunut salluvoq"

Naalakkersuisut: Aallaavissagissaarpugut
Kuupik Kleist oqarpoq:

- Nalunngilarput maanna inatsisikkut aallaavissagissaartugut aatsitassatigut isertitassatta qulakkeernissaanut. Isertitat ilaasa annaaneqaratarsinnaanerannik inuit ernumassuteqarnerat paasivarput, tamassumali pinnginnissaa ullut tamaasa tamaviaarluta sulissutigaarput. Immikkut ilisimasanik pilersitsineq nunat tamalaat misilittagaannik atorluaanissatsinnik aammalu nunanik kattuffinnillu, uagutsinnik ikiuisinnaasunik, suleqateqarnissamik sulinitta nanginneraa.

- Naalakkersuisunut pingaarnersaavoq Kalaallit Nunaata qaqugukkulluunniit aalajangiinini ilisimasanik pitsaanerpaanik, siunissami atugarissaarnerup qulakkeernissaanut pigineqartunik, tunngaveqartissagaa, Kuupik Kleist erseqqissaavoq.

Sapaatip akunnerani uani aappassaaneerneqarlunilu pingajussaaneerneqassaaq
Suliniussuarnut inatsisissatut siunnersuut, nunat alla miunik akikitsunik sulisulerluni nunatta aatsitassarsiulerneranik aallartitsisussaq, sisamanngorpat decembarip 6-anni aappassaaneerneqassaaq, tallimanngorpallu decembarip 7-anni pingajussaaneerneqassalluni.

Powered by Labrador CMS