London Miningip suleqataa peqquserluuteqarneragaasoq
Suliffeqarfik London Miningip Nuup Kangerluani savimminissiorfimmik pilersitsiniarnerani akilersinnaassutsimik misissuisititaa, millionerpassuarnik nalilimmik pappiaqqanillu peqquserluuteqarsimasutut unnerluussinermut akuutinneqalerpoq
Canadamiut ingeniørinik suliffeqarfiutaat SNC Lavalin, nunatsinni London Miningip savimminissiorfiliornissaanut akilersinnaassutsimik misissuisitaa aningaasarpassuarnik peqquserluuteqarnermut akuutinneqarpoq.
Pisortaanerit arlallit - ilaatigut pisortat ilaat qaffasissumik atorfilik - peqquserluuteqarsimasutut pasineqarluni tigusarineqaqqaqqammivoq, Nuuk TV'ip nal. 18.45 aamma 19.15 sisamanngornermi unnukkut aallakaatitaminni oqaluttuarput.
SNC Lavalin, Isuani suliniummut aningaasatigut naatsorsuutinik ingerlatsisimapput, soorlu akileraartarnermut isertitanillu misissuinerit aamma Nuup Kangerluani savimminissiorfissassarsuarmi ingeniørit sulinissaannik misissuillutik.
Tigusarinninnermut peqquserluuteqarsimaneq pappiaqqanillu millionilikkaanik nalilimmik peqquserlussimaneq tunngaviuvoq, Nuuk TV ilisimatitsivoq.