Inissianik attartortitsisarneq AG-p misissuiffigaa
Nunatsinni inissianik attortortitsisarnermi iluanaarniapiluttoqarlunilu pissutsit ajorluinnarput
AG-p sapaatip akunnerani uani inissianik attartortitsisarneq tusagassiornikkut sammilerpaa. Aviisip ilaatigut takutippaa aappariit ilisimaneqartut Nuummi ilinniagaqartunut ineeqqanik attartortitsinermikkut qanoq isillutik ukiumut koruuninik unitritilinnik arlalinnik iluanaaruteqartartut. Taakkua amerlanerpaartaat akileraartartunit akilerneqartarput, pisortat ineqarnermut tapiissuteqartarnerat aqqutigalugu.
Attartornermi akit qaffasinnerat pissutigalugu attartortitsisartut iluanaaruteqartaqaat. Inissianik attartortitsinermik iluanaarniapiluit atugarissaaqaat.
Aviisi atuartartorpassuarnit qisuariarfigineqarpoq. Amerlasuut namminerminnut oqaluttuassartatik misigisatillu oqaluttuaraat. AG aamma atuartartunit tusagaqarusuppoq, ineqarnermut tunngasunik isornartulinnik paasissutissiisinnaasunik.
AG-p attartortitsisarneq sapaatit akunnerini tulliuttuni sammissavaa, sapaatillu akunnerani tullermi nutaanik qulaajagaqariissalluni.
Aamma illit oqaluttuassartat ilanngussinnaavat - uunga mailerit redaktion@ag.gl.
AG nr. 48 nunami pisiniarfinni tamani pisiassaavoq. Aviisip elektroniskertaa 25 koruuniinnanerlugu pisarisinnaavat aviisilu ingerlaannaq atuarlugu uani: