Royal Greenland pisiortortoq
Royal Greenland tunisassiorfimmut Qeqertaq Fishimut piginneqataalerpoq suliffeqarfiullu annersaanik piginnittuulerluni
Annonse
Aalisakkanik suliffeqarfissuup Royal Greenlandip Ilulissat eqqaanni nunaqarfimmi Qeqertami tunisassiorfimmi Qeqertaq Fishimi piginneqataassutsit amerlanerussuteqartut - 58 procentii pisiarai, suliffeqarfissuaq tusagassiuutitigut nalunaarummi ilisimatitsivoq.
Taamaalilluni Royal Greenland Qeqertaq Fishimik piginneqataalerpoq, Qeqertami aalisartut qallunaallu suliffeqarfiutaat Kangaamiut Seafood piginneqatigilerlugit.
Royal Greenland ilisimatitsivoq, Qeqertaq Fish suliffeqarfittut namminersortutut ingerlaannassasoq, suliffeqarfiullu ineriartorteqqinneqarnissaanut iluaqusiinissani ilimaginerarlugu.
Tunisassiorfik ulapaarfiup nalaani 40-t missaannik sulisoqartarpoq ulapaarfillu qaangiukkaangat 12-nik sulisoqartarluni.