Tv: Ammartakkamut qilanaartuut
Decembarip aallaqqaataa aajunaralaannguanngorpoq - maannalu Tumit Productionip ammartagaliaanut arfininngorpaamiit KNR-ikkut aallakaatinneqartalersussamut qilanaartuut takusinnaanngorpat
Ukioq manna tv-iikkut ammartagaq 'Nissit Angakkuaatillu' aqaguaguinnaq isiginnaarneqarsinnaalissaaq.
Tumit Production ukioq manna ammartagaliortuuvoq - qilanaartuullu naatsoq matuma qulaani videomi isiginnaarsinnaavat.
Ammartakkami aallaavigineqartoq ilungersunangaatsiarpoq: Juullimmi inua aallarunneqarsimavoq. Nivi Nukappilu kia aallarussisuuneranik paasiniaaneranni immikkoortuni malittarineqassapput.
Inuttaasut tassaapput Mudi Kramer Berthelsen, Nathan Kreutzmann, Qillannguaq Berthelsen, Aqqalu Berthelsen, Hans Jukku Noahsen, Else Kleist, Steffen Heilmann, Ulrikka Holm, Pilunnguaq Kleist aamma Erland Olsen.
'Nissit Angakkuaatillu' decembarip aallaqqaataaniit soorunami juulliaqqap tungaanut KNR-imi nalunaaqutaq 17.30 aamma 20.00 aallakaatinneqartassaaq.
Ammartagaq NunaFondenip tapiissuteqarneratigut nunatsinnilu inuussutissarsiutinik ingerlatallit tapiissuteqaqqinnerisigut suliarineqarpoq.