Piniartoq oqaluttuarpoq

Arfininngorpat Katuami piniartumik oqalugiartoqassaaq akeqanngitsumik peqataaffigineqarsinnaasoq. Qaanaami piniartup Kalaallit Nunaanni silap pissusaata allanngoriartorneranik eqqugaasumi aalajangersimasunik pisassaqarluni inuunini eqqartussavaa

Piniartoq Mads Ole Kristiansen, Qaanaaq. Assi: Nammineq pigisaq

Kulturikkut illorsuaq Katuaq arfininngornermi decembarip aallaqqaataani Qaanaami piniartutut inuusumit Mads Ole Kristiansenimit oqalugiarfigineqassaaq.

Oqalugiarnerup nalaani Mads Ole Kristiasen Nunatsinni inoqarfiit avannarlersaanni ullumikkut piniartutut inuunermik oqaluttuassaaq, silap pissusaata allanngoriartorneranit misigisaminnik aamma pisassat aalajangersimasut avanersuarmi piniartutut inuuneq eqqartussallugu.

Oqalugiartup saniatigut tivasoqassaaq, assinik takutitsisoqarluni aamma oqallittoqassalluni.

Oqalugiarneq akileeqaarnani peqataaffigineqarsinnaasoq Katuami Hans Lyngep inersuani nal. 20.00-miit 21.30-mut ingerlassaaq.

Toqqaannartumik nutserisoqassaaq.

Powered by Labrador CMS