Juulli Aalborgimi aallartinneqartoq
Ukiut 15-issaannik Aalborgimi Hans Egedes Kirkemi aamma Kalaallit Illuutaanni juullimut aaqqissuussineq ingerlanneqarpoq
Arfininngornermi Aalborgimi Hans Egedes Kirkemi aamma Kalaallit Illuutaanni ukiut 15-issaannik juullimut aaqqissuussisoqarpoq.
Siullermik juullip inua umiarsuarmik illoqarfimmut tikikkiartorpoq kingorna Hans Egedes Kirke aamma Kalaallit Illuutaat juulli aallarnerlugu aaqqissuussivigineqarput.
Erinarsoqatigiit kalaallit peqatigiiffiannit Ikinngutigiit tusarneqisunik erinarsorput, aamma qatanngutigiit Anna Lynge Sara Fredsbo erinarsoqatigiipput soorlu Stine Nikolajsen Nuummi meeraalluni juullisiortarnerminik oqaluttuartoq.
Hans Egedes Kirke inunnik ulikkaavippoq peqataasullu tamarmik kalaallit illuutaanut ungasinngitsumiittumut ingerlasinnaapput juullisunnitsunik allanik piumallutik, soorlu glögg aamma æbleskivit nerliutigineqartut erinarsoqatigiinnik kiisalu Anna aamma Sara Fredsbo-llu erinarsornerannik tusarnaajutigalutik. Juullip inua aamma peqataavoq meeqqallu mamartutugassinneqarput. Aaqqissuussineq Jyllandip avannaani sumiiffinnit ungasikkaluanilluunniit ornikkumaneqartoq.
Pyramidemi inissaqarluaraluartumi inissaaq tattorliuuffiungaarmat aaqqissuisut ini sanianiittoq atorneqanngitsoq ilanngullugu atortariaqarlugu allaat. Taamaakkaluartoq ajunngilaq meeqqallu nuannisaqaaq inersimasut peqataasut aamma juullip tipaatsunnartuanik misillersimaqqooqaat.