Juullerpalaartoqarsinnaanngorpoq

Ukiut 23-ssaanni kalaallit Juullimut Inuat Aalborgimut tikippoq

Soorlu juullip inuia taamaattartoq novembarimi arfininngornerit kingullersaanni Aalborg tikeraassavaa. Assi: Rimdal Th. Høegh Juulip Inuata umiarsualivimmi angalaarnermini meerarpassuit ilassiorlugit, kiinaq immikkut illuinnartoq takuaa, sunaaffa kinamiu. Juullip Inuata oqaloqatigilerpaa sunamitaava isumaqatigiissutigaat. Assi: Rimdal Th. Høegh Kalaalilt Nunaanni sumiiffippassuarnilu allani ileqquuvoq pulaap pulaakkani tunissuteqarfigisarlugu. Kalaallit Nunaannit Juullip Inuata Thomas poortukkamik pajuppaa, tassaalluni vesti puisip amianik sanaaq, taassuma tunissutisiani nuannaarutigeqaa ingerlaannarlu atillugu. Assi: Rimdal Th. Høegh Juullip Inua ilumoortoq kalaaliusoq taanna Aalborgimi nuannarinnitserpassuaqarpoq. Assi: Rimdal Th. Høegh Umiarsuatsiaq "Vest" juullip Inuanik ilaasoqarluni Aalborgimi Honnørkajimut tulappoq. Assi: Rimdal Th. Høegh Honnørkajimi tikilluaqquneqarneq nuannersup kingorna Juullip Inua rådmand Thomas Kastrup Larsen ilagalugu Aalborgimi angalaarput juullimullu aaqqissuussinernik allanik alakkarteralutik. Assi: Rimdal Th. Høegh

Ullumi novembarimi arfininngornerit kingullianni kalaallit juullimut Inuat Aalborgimut tikippoq. Ukiut 23-ssaanni juullip inua ilumoortoq Aalborimut umiarsuarmut 'Vest'-imut ilaalluni tulakkiartorpoq.

Kalaallit juullimut inuat ilumoortoq taamani umiarsuaasumut 'Kunuunnguamut' ilaalluni 1989 siullermeerluni tikinnerata kingorna, ukiut tamaasa ileqquulerpoq angutip avannaaneersup Aalborgimut aqqusaartarnera, nalunaarutigiartorlugu tassa maannakkut juullerpalaartoqarsinnaalersoq.

Meeqqat tusindillit taakkualu angajoqqaavi, aataakkui aanaakkui borgmesteri peqatigalugu tikinnerani tikilluaqquseqatigiittarput. Ukioq manna kommunalbestyrelsimut ilaasortaq Thomas Kastrup Larsen Aalborgimi oqartussaasut sinnerlugit tikilluaqqusisussaavoq borgmester Henning G. Jensen napparsimareernermi kingorna qasuersertariaqarmat.

Juullip inua kalaaleq Honnørkajimi ilassiorneqaleruttornermi nalaani Sermitsiaq.AG-mut oqartariaqarpoq, Air Greenlandip Kastrupimit Kangerlussuarmut 18 decembar timmileruni ilaasussai qilanaartuutissaqartut, nammineq ilaanissani pissutigalugu. Kalaallit Nunaanni juullimut piareersarneq pissusissamisut ingerlanersoq alakkartariaqaramiuk. Ulloq taanna Danmarkimut timmisartortussat aamma immikkut juullerpalaartumik pisoqarnissaanik qilanaarisassaqarnerarpai.

Juullip Inuata umiarsualivimmi angalaarnermini meerarpassuit ilassiorpai.

Powered by Labrador CMS