Sanami siniffinnik arfilinillik amerliliivoq
Siunissami Dronning Ingridip napparsimmaviani aqutsisut qulakkeerniarpaat napparsimmavimmi torsuusani napparsimasunik inngasoqartannginnissaa
- Sooruna Sanami napparsimasut torsuusaniittartut ilaat allaat assiaqutaqarnatilluunniit?
Siumut sinnerlugu Inatsisartunut ilaasortaq Kristian Jeremiassen paragraf 37 naapertorlugu naalakkersuisunut apeqquteqarpoq.
Kristian Jeremiassenimullu akissummini peqqissutsimut naalakkersuisoq Agathe Fontain nassuiaavoq Sanami aqutsisut ajornartorsiut eqqummaariffigigaat:
- Dronning Ingridi napparsimmaviani ilaannikkut ulikkaartoortoqartarpoq. Tassunga atatillugu tikkuassallugu pingaartuuvoq peqqinnissaqarfimmi aqutsisut neriorsorsimammannga aqutsinerminni qulakkeerniarlugu isumannaallisaanikkut piumasaqaatit malinneqartarnissaat taamaalillutik napparsimasut navianartorsiortinneqaratik.
Taamaattumik Dronning Ingridip napparsimmaviani aqutsisut suliniuteqalersimapput siunissami qulakkeerneqassasoq napparsimasut torsuumamiitinneqartannginnissaat.
Læs også: Kræver svar om patienter på gangene
Ilaatigut napparsimasunik tigooraamivimmi siniffiit arfinilinnik amerlineqassapput. Napparsimasutut katsorsartinnerat naammassineqartut inissinneqartassaaq kommuninut angerlartinneqarsinnaanngorlutik.