Kissaat: Inissaq
Peqatigiiffik nutaaq aallartinneqarpoq. Tassaavoq peqatigiiffik NO INI - angerlarsimaffeqanngitsut tapersersorniarlugit peqatigiiffik
Arfininngorneq novembarip 24-at 2012 peqatigiiffik NO INI Nuummi angerlarsimaffeqanngitsunik ataatsimeeqateqarpoq.
Peqatigiiffiup siunertaraa Kalaallit Nunaanni angerlarsimaffeqanngitsut ikiorniarlugit inunnik ikiunikkut aningaasanik katersinermik ingerlatsisoqarnissaa, aningaasarsiornissamik siunertaqanngitsoq aamma peqatigiiffittut nalinginnartut ingerlanneqartoq.
Aaqqissuussinermut angerlarsimaffeqanngitsut 21-t takkupput Nuummi angerlarsimaffeqanngitsunut atugassarititaasut eqeersimaartumik eqqartorneqarlutik. Æbleskivinik nerinerup gløgg'imillu najoqqaanerup nalaani peqatigiiffiup siunissami suliarisinnaasaat isummersorfigineqarput isumassassiarpassuarnillu saqqummertoqarluni.
Angerlarsimaffeqanngitsut kissaaterpassuarnik saqqummiussipput, soorunami kissaatigineqarnerpaaq tassa inissaq! Aammali politikerinit innuttaasullu sinnerinit atuakkat pillugit annerusumik paasineqarnissaq.
Novembarip 28-anni angerlarsimaffeqanngitsut kingumut ataatsimiisinneqassapput taakkunannga angerlarsimaffeqanngitsut sinnerlugit oqaaseqartartussamik qinersisoqassaaq peqatigiiffimmut attaveqaataasinnaasumik.