Tusagassiorfik: Suliniussuarnut inatsit paatsiveqartinneqanngitsoq
Inatsisartut inuussutissarsiornermut ataatsimiititaliaata piumasaraa suliniussuarnut inatsit kinguartinneqassasoq
TV-qarfik Nuuk TV malillugu suliniussuarnut inatsit Inatsisartuni paatsiveqartinneqanngilaq.
Tamanna takuneqarsinnaavoq Nuuk TV naapertorlugu inuussutissarsiornermut ataatsimiititaliap piffissaq kingulleq atorlugu piumasarimmagu inatsit sammineqaqisoq kinguartinneqassasoq.
Atuaruk "Suliniussuarnut akerliuniarnissaminnut piareersarput"
Atuaruk "Suliniussuarnut inatsisip isornartorsiorneqarnera ingerlaqqippoq"
Maannangaaq nalunartoqarpoq inuussutissarsiornermut ataatsimiititaliaq isumaqatigiissoq taamatut piumasaqarnersoq, piumasaqaallu qanoq kinguneqassanersoq.
Oqaluttuaq annertunerusumik paasisaqarfigisinnaavat Nuuk TV-p nutaarsiassanik aallakaatitaa unnugu aallakaateqqinneqarpat nalunaaqutaq 18.45 aamma 19.15, aammalu Sermitsiaq.AG-p pisoq malinnaaffigissavaa, inuussutissarsiornermut ataatsimiititaliami ilaasortanik oqaaseqartitsiinnavikkutta.
Suliniussuarnut inatsisissatut siunnersuut aappassaaneerneqassaaq ataasinngornermi novembarip 26-anni, pingajussaaneerneqassallunilu marlunngornermi novembarip 27-anni.