- Suliniussuarnut inatsit ukiuni arlalinni kinguartinneqartariaqaraluarpoq

Suliniussuarnut inatsisip aappassaaneerneqarnissaata pingajussaaneerneqarnissaatalu decembarip 6-annut 7-annullu kinguartinneqarneranik nutaarsiassaq Jan Hansenimit, avatangiisinut illersuiniaqatigiiffimmi "Foreningen 16. august"-imi siulittaasumit, tigulluarneqarpoq.

- Nuanneqaaq, kinguartitsineq naammanngikkaluartoq. Tamanna pissutigalugu uagut allallu soqutigisaqaqatigiit tamarmik piffissaqalerpugut paasisaqarnerunissartsinnut isummatsinnillu saqqummiussinissatsinnut.

- Taamatulli oqareerluni suliniussuarnut inatsit ukiuni arlalinni kinguartinneqartariaqaraluarpoq, inatsisip iluarsineqavinnissaata tungaanut, Jan Hansen Sermitsiaq.AG-mut oqarpoq.

- Suliniussuarnut inatsisip aappassaaneerneqarnissaata pingajussaaneerneqarnissaatalu kinguartinneqarnerat tamatumunnga akerliussutsimik takutitsiniarnissinnut sunniuteqassava?

- Naamik sunniuteqassanngilaq. Akerliussutsimik takutitsinissarput taamaallaat kinguartinneqassaaq akuersissummik ullumi politiinit pinngikkutta.

Atuaruk "Suliniussuarnut akerliuniarnissamut piareersarput"

Atuaruk "Suliniussuarnut inatsit allannguuteqassaaq"

Akuersissut tunniunneqassappat "Foreningen 16. august" kiisalu ilaatigut avatangiisinik illersuiniaqatigiiffiit Nuuk Fjords Venner aamma Avataq, ataasinngorpat nalunaaqutaq 16 Inatsisartut ataatsimiittarfiata saavani akerliussutsimik takutitsinermi peqataassapput. Tassani takutinniarpaat suliniussuarnut inatsimmiut Nuullu Kangerluani saviminissamik suliniummut akerliunertik.

Suliniussuarnut inatsisissatut siunnersuut aappassaaneerneqassaaq sisamanngornermi decembarip 6-anni, pingajussaaneerneqassallunilu tallimanngornermi decembarip 7-anni.