Suliniussuarnut inatsimmut killissarititaq nutaaq
Suliniussuarnut inatsisip aatsitassanullu inatsisip Inatsisartuni oqaluuserineqarnissaat decembarip 6-annut 7-annullu kinguartinneqarpoq
Ippassaq matoqqasumik ataatsimiinnermi suliniussuarnut inatsisip aatsitassanullu inatsisip oqaluuserineqarnissaat decembarip 6-annut 7-annullu kinguartinneqarpoq, taamaasillunilu ukiakkut ataatsimiinneq sivitsorneqassaaq:
- Ukiakkut ataatsimiinnerup sivitsorneratigut inuussutissarsiornermut ataatsimiititaliaq inatsissuarnik marlunnik suliarinninnerminik naammassinninnissaminut pisariaqartumik piffissalerneqarpoq. Tassani pineqarput suliniussuarnut inatsisissatut siunnersuummi immikkoortoq 110 aatsitassanullu inatsisissatut siunnersuummi immikkoortoq 112, Inatsisartut siulittaasuat Josef Motzfeldt paasissutissiivoq.
Atuaruk "Tusagassiorfik: Suliniussuarnut inatsit paatsiveerunneqartoq"
Inatsisissatut siunnersuutit taakkua marluk decembarip 6-anni aappassaaneerneqassapput, aqaguanilu pingajussaaneerneqariissallutik.
Facebook-ikkut Siumup siulittaasuata Aleqa Hammondip, partiia inatsisissap upernaakkut ataatsimiinnissamut kinguartinneqarnissaanik piumasaqartup, kinguartitsineq mamianartuliornertut taavaa.