Suliniutinut angisuunut inatsisissaq isorineqartuarsinnarpoq
Nunatsinni peqqissaasut kattuffiat Danmarkimilu ilinniartitsisut peqatigiiffiat Danmarks Lærerforening suliniutinut angisuunut inatsisissatut siunnersuummut akerliusunut ilanngupput
Suliniutinut angisuunut inatsisissatut siunnersuutip akerlerineqarnera ullormiit ullormut sakkkortusiartorpoq.
Ulluni kingullerni oqaluttuaraarput suliniutinut angisuunut inatsisissap novembarip 26-ani aappassaaneerneqartussap akuersissutigineqarnissaanut politikerit kattuffinnit SIK-mit, Imak-imit, AK-mit kingullermillu Perorsaasut Ilinniarsimasut Peqatigiiffiannit PIP-mit mianersoqquneqartut.
Maannalu Peqqissaasut Kattuffiat aamma Danmarks Lærerforening isornartorsiuinerminnik takutitsiumallerput.
Læs "Også pædagogerne skyder storskalaloven ned"
Læs "Medie: Storskalaloven bliver vedtaget"
- Nunami maani qanoq iliornissamut piareersaatit malinneqassanersut Peqqissaasut Kattuffiata ernummatigaa, aamma isumannaallisaaneq, sullivimmi avatangiisit, aningaasarsiaqartitsineq atorfinitsitaanermillu atugassarititaasut eqqarsaatigalugit, Peqqissaasut Kattuffiata siulittaasua Inuuti Fleischer oqaluttuarpoq.
Danmarks Lærerforening isumaqarpoq ’sulianut Kalaallit Nunaanni ingerlanneqartunut atugassarititaasut pineqartillugit kattuffiit Kalaallit Nunaanni angerlarsimaffeqartut isumaqatigiinniarsinnaatitaasussaanerat pissusissamisoortoq.’
Læs "Transparency Greenland: Storskalalov skader omdømme"
Læs "Socialdemokraterne advarer mod social dumpning"
Suliniutinut angisuunut inatsisissatut siunnersuut ataasinngornermi novembarip 26-ani aappassaaneerneqassaaq, marlunngornermilu novembarip 27-ani pingajussaaneerneqassalluni.