Qallunaat Nunatsinni atorfittaarusupput

Kalaallit ilinniagaqartut, aammattaarli qallunaat suliffissaaleqisut, sapaatip akunnerata naanerani Nunatsinnit atorfinnik nittarsaanernut marlunnut, takkussuupput

Qallunaat amerlanerusut Nunatsinnut suliffissarsiortalerput, atorfinnik nittarsaanermit tamanna malunnarpoq. Ass.: Sermitsiaq

Ajornartorsiorneq atugaavoq. Tamanna takuneqarsinnaaginnanngilaq Nunatsinni suliffissaaleqisut amerliartornerisigut. Taamaapportaaq Danmarkimi. Tamanna pissutigalugu qallunaat amerliartuinnartut Nunatsinnut suliffissarsiulerput.

Tamanna takuneqarsinnaavoq sapaatip akunnerata naanerani Københavnimi Århusimilu atorfinnik nittarsaanerni marlunni, taakkunanilu atorfinnik nittarsaaqataapput nunatsinni ingerlatsiviit arlallit, kommunit kattuffiillu, neriuutigalugu kalaallit ilinniagaqartut Danmarkimi ilinniakkaminnik naammassinnikkunik Nunatsinni atorfissarsiornissaat.

Nutaatut nittarsaaneq aamma qallunaat atuagassiaanni arlalinni annonciliissutigineqarsimavoq. Tamannalu malugineqarsinnaavoq. Takutitsivinni tamani, AG-p oqaloqatigisaani, akissutigineqartoq assigiippoq: Nittarsaanermut qallunaat suliffissaaleqisut aatsaat taama amerlatigisut takkussimapput.

Oqaluttuaq tamaat atuaruk AG-mi sapaatip akunnerani saqqummersumi, taannalu ataani pisiarisinnaavat:

Powered by Labrador CMS