Ove Karl aamma Jess G. - oqaaseqarumajunnaartut
Naalakkersuinikkut akisussaasoq Ove Karl Berthelsen aamma SIK-p siulittaasua Jess G. Berthelsen suliniutinut angisuunut inatsisissamut tunngasuni Naalakkersuisut SIK-llu akornanni oqaloqatigiissutigineqartuni tusagassiuutinut oqaaseqaateqarumajunnaarput
Inuussutissarsiornermut aatsitassanullu naalakkersuisup Ove Karl Berthelsenip, Inuit Ataqatigiit, aamma SIK-p siulittaasuata Jess G. Berthelsenip akornanni tusagassiuutitigut assortuuttoqarunnaassaaq suliniutinut angisuunut atatillugu oqaaseqaateqartarneq eqqarsaatigalugu Naalakkersuisut aamma SIK-p akunnerminni oqaluuserisaminnik sammisanut tunngasut pineqartillugit.
Taama Ove Karl Berthelsen aamma Jess G. Berthelsen ataatsimoorussamik nalunaaruteqarput.
- Maannakkut piffissami takkuttussami suliamik tamatuminnga taamaallaat aallussinissamik pisariaqartitsisumik ilorraap tungaanut kinguneqartitassamillu oqaloqatigiilernissamut kiisami alloriarsimavugut. Isumaqatigiissutissamik imaluunniit tamanut atorsinnaasatut akuersaarnartissinnaasatsinnik angusaqarniariarutta tamatuma kikkunnut tamanut nalunaarutiginissaa neriorsuutigissavarput, marluullutik oqarput.
Læs "Fagforeninger raser over storskalalov"
Læs "Medie: Storskalaloven bliver vedtaget"
Suliniutinut angisuunut inatsisissatut siunnersuut ataasinngornermi novembarip 26-ani aappassaaneerneqassaaq, marlunngornermilu novemnarip 27-ani pingajussaaneerneqassalluni.