Angutitagut inuuneqqortunerulerput
1990-imut naleqqiullugu 2011-mi nunatsinni angutit ukiuni 7,6-ini sivisunermik inuusalerput
Angutit kalaallit 1990-imut naleqqiullugu 2011-mi ukiuni 7,6-ini sivisunermik inuusalerput. Inuuneqquttusineri 12,5 procentimik sivitsuallappoq nunani avannarlerni nunani allani inuuneqqortusineq ersarinnerpaajulluni.
Taamaattoq kalaallit angutitaat Nunani Avannarlerni sivikinnerpaamik inuusarput agguaqatigiissillugu 68,3-nik ukioqalertaramik.
Taamanna Nordisk Statistisk Årbog 2012-imi saqqummerlaami takuneqarsinnaavoq.
Finlandimiut angutitaat kalaallit angutitaasa inuuneqqortusiartornerannik malinnaapput taakkua sivitsoriaataat 9 procentiummat, qallunaat angutitai agguaqatigiissillugit ukiuni 77,2-ni aamma 77,3-ni inuusarput, Nunani avannarlerni appasinnerpaajulluni.
Arnat inuuneqqortussusaat nunani tamani angutinit sivisuneruvoq, arnallu inuuneqqortusiartornerat allatuulli ersaritsiginani, Nordisk Statistisk Årsbog 2012 takuneqarsinnaapput.
Kisitsisini Kalaallit Nunaanni angutit kalaaliunersut kalaaliunnginnersulluunniit immikkoortinneqanngillat.
Nordisk Statistisk Årbog 2012 pdf uani aaneqarsinnaavoq