Aleqa: SAS piginneqataajunnaartariaqarpoq
Piffissaq sukkanerpaaq atorlugu SAS'ip Air Greenlandimik piginneqatigiissutai pillugut Naalakkersuisut isumaqatigiinniarnernik aallartitsisariaqarput. - SAS'imit putorsuarmut kalinneqassanngilagut, Aleqa Hammond oqarpoq
Air Greenland oqimaatsorujussuarmik kalitaqarpoq. Timmisartuutileqatigiiffiup piginnittaata aappaa SAS, piffissami sivisuumi nunamut nakkaattooriaannaavoq.
- Taamannak atugaqartoqarnera akueriinnarsinnaanngilagut. Naatsorsuutigineqarsinnaanngilaq toqqissisimannginnermillu pilersitsivoq, Siumut siulittaasua Aleqa Hammond oqarpoq nangilluni:
- Piffissami kingullermi pisut ersersippaat SAS ilungersunartorsioqisoq. Annaanniarlugu iliuuseqaraluarpataluunniit ersarippoq ingerlatseqatgiiffik piuneerukkiartortoq. Kapitalit kingullersaat immaqa allanneqarpoq. Qulakkeertariaqarparput putumut nakkaqataannginnissarput.
SAS'ip Air Greenlandimik piginneqatigiissutaanik pisiniarnermut Aleqa Hammondip aningaasat sumi nassaarissanerai sapaatip akunnerani AG saqqummersumi atuakkit. Aviisi uani pisiarisinnaavat