Suliniutinut angisuunut akerliussutsimik takutitsinialersut
Nuummi innuttaasut naammaginninngitsut ataatsinngorpat suliniutit angisuut pillugit inatsimmut savimililiorfissamullu akerliussutsiminnik takutitsissapput
Ataasinngorpat novembarip 26-ani nalunaaqutaq 16 Nuummi innuttaasut naammaginninngitsut suliniutit angisuut pillugit inatsimmut Nuullu kangerluani saviminiliorfiliornissamut akerliunertik Inatsisartut ataatsimiittarfiata saavani takutinniarpaat.
Akerliussutsimik takutitsinissaq maannakkorpiaq piareersarneqarpoq, suliniuteqartorli Jan Hansen avatangiivinik illersuiniartuni 'Peqatigiiffik aggustip 16-aneersoq' siulittaasuusoq Sermitsiaq.AG-mut oqarpoq neriuutigalugu inuit ikinnerpaamik 100-t takkutissasut.
- Anguniaavoq qulakkiissallugu avatangiisit innarlerneqannginnissaat, tamannali piviusorsiorsorinngilarput taamaattumillu savimiliorfiliornissamik suliniut unitsikkallarniarparput, Jan Hansen oqarpoq, maannakkullu avatangiisinik illersuiniartunit Nuup Kangerluata Ikinngutaanit Avatamillu nalunaarfigineqarsimapput akerliussutsimik takutitsinermik peqataaniartut.
Jan Hansenip erseqqissarpaa akerliussutsimik takutitsiniartut nunatsinni ineriartornissamut akerliunngimmata, isumaqartuarpulli tamanna pitsaasumik qaammassagaanerlu tunngavigalugot pissasoq, isumaqaramik taamaattoqanngitsoq.