Peter Schultz pisortaanertut tunuartoq
Sulipiloorsimanerup malitsigisaanik Peter Schultz Naalakkersoqarfimmi pisortaanertut ingerlaannaq atuuttumik tunuarpoq
Naalakkersoqarfimmi pisortaanertut atorfeqalersussamik ujaasisoqartariaqassaaq. Tassunga aallaaviuvoq Naalakkersuisoqarfiup pisortaanerata Peter Schultz ingerlaannaq atuutilersumik tunuarnera pissutigalugu.
- Ukiuni kingullerni arfineq-pingasuni sulipiloorsimanerup malitsigisai Peter Schultzip atorfimminit tunuarumasimaneranut peqqutaapput. Piffissap ingerlanerani Peter Schultz Sulisoqarnermut Pisortaqarfiusimasumi pisortaasimavoq, Naalakkersuisut allattoqarfigisimasaanni pisortamut tullersortaasimalluni kiisalu Aningaasaqarnermut Naalakkersuisoqarfimmi pisortaasimalluni.
Peter Schultz 17. november 2012 aallarnerfigalugu suliunnaarpoq, 1. marts 2013-lli tungaanut Naalakkersuisut Siulittaasoqarfianut ikiuuttassalluni sullissinissaminullu piareersimassalluni, Søren Stach Nielsen, Naalakkersuisoqarfimmi pisortaasoq nalunaaruteqarpoq.
Søren Stach Nielsen Naalakkersuisoqarfimmi pisortaanertut atuukkallassaaq nutaamik atorfinitsitsisoqarnissaa tikillugu.
58-nik ukiulik Peter Schultz pisortatigoortumik marsip aallaqqaataa 2013 atorfimminit tunuassaaq.