Illoqarfimmi illuinnarsuummik sarfatortumik qunusaarivoq
Angut sakkut pillugit inatsimmik unioqqutitsisutut pasineqarpoq Nuummi imerniartarfiit ilaanni pequernerup nalaani illuinnarsiummik sarfatortumik 7 million voltimik sakkortussusilimmik qunusaarigami
Nuummi Politiit angut tigusaraat pasillugulu sakkut pillugit inatsimmik unioqqutitsisutut, tallimanngornerup unnuaani illuinnarsiummik sarfatortumik 'stun gunimik' taaguuteqartumik qunusaarimmat Nuummi imerniartarfimmi Kristinemutimi pequernersuarmik pilersitsilluni.
Politiit illuinnarsiummik sarfatortumik 7 million voltinik sakkortussusilimmik arsaarpaat.
Pasillerneqartoq killisiorneqareerluni iperarneqarpoq, Nuummili Politiit angutip qassinik ukioqarnera il.il. oqaatigiumanngilaat.
Vicepolitikommisær Erik Lynge Rasmussen Sermitsiaq.AG-mut oqaluttuartoq illuinnarsiutit innaallagiatortut Nuummi imerniartarfinni atugaaleriartortut.
- Siorna tassunga assingusumik pisoqarpoq, oqarpoq suliallu suli ingerlanneqartut oqaatigalugu.
Illuinnarsiutit sarfatortut toqussutaasussaanngillat, arlaleriarlutilli toqussutaassimallutik.