Rulleskimi pissartanngorniuttarneq pisortatigoortunngorpoq
Aasaq manna Nuummi rulleskimik iluatsilluartumik pisortatigoortuunngitsumik Nunatsinni pissartanngorniuttoqareersoq pissartanngorniunnerit pisortatigoortunngortinneqarput
Kalaallit Nunaanni Sisorartartut Kattuffianni sisoraatinik oqilaniuttartunut ataatsimiititaliaq nuannaarpoq. Kalaallit Nunaanni Timersoqatigiit Kattuffiannit nalunaarfigtineqarput rulleski-mik aasakkut Nunatsinni pissartanngorniuttarneq pisortatigoortunngortinneqartoq.
- Nuannaarutigeqaarput sisoraatinik oqilaniuttartorpassuavut aasaru pisortatigoortumik Nunatsinni pissartanngorniutsissinnaanngoratsigit. Ukiorpassuarni pisortatigoortuunngitsumik pissartanngorniutsitsisarsimavugut, aasarli torrallallugu aaqqissuussinitta kingorna pissartanngorniunnerit pisortatigoortunngortinneqarput, Ole Lynge Hansen, sisoraatinik oqilaniuttartunut ataatsimiititaliami siuttaasoq, oqarpoq.
- Tamanna pissutigalugu sisoraatinik oqilaniuttartut timersuutiminnik ukioq naallugu aallussisinnaalissapput. Unammisartorpassuit aasaq Nuummi peqataapput, qularutissaanngilarlu rullekimik soqutiginninneq suli annertunerulissasoq, Ole Lynge Hansen nuannaarluni oqarpoq.