Neqi A(S-ip uumasuusivini isaterpai

Narsami toqoraavitoqaq isaterneqalerpoq. Toqoraavimmut nutaamut KNI 40 millioner koruuninik aningaasaliissuteqarpoq

Isaterineq sukkasuumik ingerlavoq. Qanga inuit kaattanik kuupiimillu ullorpassuit atorlugit isaterisartut ullumikkut assaassuaq atorlugu ulloq ataaseq inorlugu isaterineq ingerlanneqarpoq. Ass.: John Rasmussen, Narsaq Foto

KNI toqoraavimmut nutaaliamut 40 millioner koruuninik aningaasaliissuteqarpoq, taannalu 2013-imi atulissaaq.

Ingerlatsineq aningaasarsiornissamullu periarfissat pitsanngorsarniarlugit taamaasiortoqarpoq.

Tallimanngormat ualikkut toqoraavitoqaq uumasuusiviili isaterlugit aallartinneqarput. Qaqortumi entreprenøritut ingerlatsiviup GMS-ip sanaartugassaq tamakkiisumik suliarissavaa.

Toqoraavik nutaaq aappaagu septembarimi savaaqqanik ukiumoortumik toqoraanissamut inereersimassaaq. Savaaqqat qilanaarutissaqarput.

Powered by Labrador CMS