Aleqa: Aatsitassanummi akitsuutit
Suliniutit angisuut aatsitassallu pillugit oqallinnerup ingerlanneqarnerani Siumup siulittaasuata kingumut aatsitassat nunatsinnit anninneqartut akitsuuserneqarnissaat ujartorpaa
Siumup siulittaasuata aatsitassat nunatsinni anninneqartut akitsuuserneqartarnissaat uteriisiutigiuarpaa. Isumaqanngilarmi aatsitassarsiorfiit suliffeqarfiit qaffasissumik akileraaruserneqartarnerat naammanngitsoq.
Taamaattumik paragraf 37 naapetorlugu naalakkersuisunut apeqquteqarpoq.
- Siunissamut aatsitassanik piiarneqartussanit akitsuutinik eqqussinissaq qaqugu Naalakkersuisut atuutilersinneqassasoq takorloorpaat?
- Naalakkersuisut oqarput aqqutit suulluunniit atorlugit aatsitassanit nunatta pissarsiassaat annerpaaq jartorniaritsik, suuppat aqqutit suulluunniit pineqartut?
- Naalakkersuisut London Miningikkut qaqugu qinnuteqaataannut akuersaalersaarpat?
Apeqquteqarneranut peqqutaavoq Siumup politikkia, tassalu aatsitassanik piginnittut nunatsinni innuttasut aatsitassatigut annertunerpaamik iluaquserneqassasut. Taamaattumik aatsitassat nunatsinniittut akitsuuserneqartariaqarlutik.
Aleqa Hammondip ernumassutigaa naalakkersuisuni tamanna pingaartinneqanngimmat, naak siusinnerusukkut oqariartuuteqarsimagaluarlutik siunissami akitsuuteqalissasoq.
- Taamaattumillu taamatut apeqquteqartariaqarpunga, Aleqa Hammond nassuiaavoq.