Mobilikkut sakkortuumik ajortisaarneqartarsimavoq
Nikassaaniutit sakkortuumillu qunusaarneqarneq piffissap ilaani Najak Jessenip ulluinnarni inuunerani atuussimapput. Imminut toqunnissamik eqqarsarneq uaneerarsuarmiippoq. Ullumikkut uumisaarneqartarneq eqqarsaatigisorsuuneq ajorpaa. Ilaannikkulli aliasulersinnaasarpoq
Aallaqqaammut kinaassusertik isertortarpaat, naak kingusinnerusukkut paasineqaraluarlutik sakkortuumik ajortisaarinertik ingerlatiinnarpaat. Nivissat tallimat Najak Jessenip inuunera nuanniilluinnartunngortippaat siorna Tasiilami najugaqarmat.
- Tasiilamiitillunga tassanngaannaq sms-imik nassinneqarpunga. Pualanerarneqarpunga anigumalu ajortumik piniarlunga sioorasaarpaannga. Tupaallappunga ilukkullu attortillunga. Aamma angerlarsilerpunga, 16-inik ukiulik Najak Jessen Tasiilami meeqqat angerlarsimaffianiitilluni misigisaminik oqaluttuarpoq.
Uani sapaatit akunnerani allaaserisaq sakkortooq tamaat AG-mi atuaruk, aviisilu quppernerup naanerani pisiarisinnaavat.
Ajornartorsiut taanna AG-mit sammineqarpoq ajortisaarneqartartullu ajortisaarisartullu attaveqarfigerusullugik. Aviisimit kissaatigaarput inuttut sassartoqarnissaa. Aammali kinaassutsimik taasinani oqaluttuartoqarsinnaavoq. AG attaveqarfigisinnaavat uani redaktion@ag.gl.
Sapaatit akunnerani kingullermi AG-mi aviisimi allaaseraarput "Internetimi ajortisaarineq ajornartorsiutaavoq annertusiartortoq", Sisimiuni Nalunnguaffiup Atuarfiani atuarfiup pisortaa Jonathan Petersen internetimi ajortisaarisarnermik ajornartorsiut pillugu oqaluttuarluni.