Millioninik nuussineq hashi pillugu pineqaatissiinermik kinguneqartoq
Hashi pillugu suliami anngajaami angut aqutsisuusoq qaammatini qulini pineqaatissinneqarsimasut isertitsivianniittussanngortinneqarpoq. Pineqaatissiinermut uppernarsaataavoq aningaaserivikkut Kalaallit Nunaannit Danmarkimut millioninik nuussineq
Nuummi eqqartuussivimmi ikiaroornartoq pillugu suliami anngajaami angut aqutsisutut nalilerneqartoq qaammatini qulini pineqaatissinneqarsimasut inissiisarfianniittussanngortinneqarpoq, politiit ikiaroornartulerisartuisa ittuat Finn Jeppesen Sermitsiaq.AG-mut oqarpoq.
Siornatigut angutit marluk tamarmik Nuummeersut angutitut aqutsisutuulli 20kkuni ukiullit qaammatini sisamani aamma arfinilinni pineqaatissinneqarsimasut inissiisarfianniittussanngortinneqareerput.
Finn Jeppesen oqaluttuarpoq, angutit pineqaatissinneqartut aningaasarpassuarnik nuussinermik kingorna, aningaasat hashimik tuniniaanernit aallaaveqarsorineqarput, Kalaallit Nunaata aamma Danmarkip akornanni, angut aqutsisutut naliligaasoq Danmarkimi aalajangersimasumik najugaqalersimavoq.
Finn Jeppesenip oqaatigiumanngilaa aningaasat qanoq amerlatigisut nuussorneqarsimanersut, oqaatigaluguli aningaasat katillugit millionit sinnerlugit amerlassuseqartut.
Finn Jeppesen naapertorlugu politiit ilimagaat aningaasat hashimik allanik Kalaallit Nunaanni tuniniagassamik pisussutaasimassasut.
Angutit allallu tigusarineqarput Nuummi, Sisimiuni aamma Københavnimi juuni qaammat politiit ataatsikkoorlutik iliuuseqarmata. Inunnik tigusarinninnermi ikiaroornartumik nassaartoqanngilaq.
- Oqaatigisariaqarparput tigusarinninnermi 5 kiilu hash pissarsiarinngitsooratsigu, illuatungaani ima aningaasat amerlatigipput eqqartuussinissamut tunngavissaallutik, Finn Jeppesen oqarpoq.
Finn Jeppesen naapertorlugu suliami inuit arlallit unnerluutigineqarput soorlu inuit arlallit suli tigusarineqarsimanngitsut.