- Akuersissuteqarnatik sulisut nalinginnaappat?
Siumut sinnerlugu folketingimut ilaasortaq Doris Jakobsen kissaateqarpoq Kalaallit Nunaannut angalasut nakkutigineqarnerat paasisaqarfiginerorusullugu akuersissuteqarnatik sulisut eqqartorneqarneranut atatillugu
Politikkikkut oqallinneq tunuliaqutaralugu aamma Kalaallit Nunaanni politiit nukinnik naammattunik peqannginnerat aallaavigalugu Siumut sinnerlugu Folketingimut ilaasortaq Doris Jakobsen inatsiseqarnermut ministerimut Morten Bødskovimut Kalaallit Nunaannut tikerartut nakkutigineqarnerat nunamilu allamiut Kalaallit Nunaanni sulisorineqarnerisa nakkutigineqarnera pillugit apeqqutit marluk saqqummiuppai.
Doris Jakobsenip soorunami neriuutigaa nunami allamiut Kalaallit Nunaanni tamarmik ajunngitsunik atugassaqartitaallutik tamaaniittut, suliamulli tunngasunik nalorninartunik tusagassiuutini saqqummiussisoqareernerani ministeri nassuiaatinniarpaa, Kalaallit Nunaanni akuerisaanngitsunik sulisoqannginnissaa qulakkeerniarlugu qanoq iliuuseqarnersoq.
- Nunarput angeqaaq inukitsunnguulluni suliffissaasuasorpassuaqarlunilu. Akkuerisaanngitsumik nuttarfigineqarnissap pinngitsoortinnissaata qulakkeersimanissaa pingaartuuvoq, nunarsuarmioqatigiit ataatsimut isigigalugit ikittunnguilluunniit suliffissaqartitsiniarneq annertuumik ajoqusersinnaammassuk, Doris Jakobsen oqarpoq.
Apeqqutit saqqummiunneqartut imatut oqaasertaqarput:
- Akuerisaanngitsumik sulisussat Island aqqutigalugu nakkutigineqanngitsumik Kalaallit Nunaannut isaanissaat pinngitsoortinniarlugu Ministeri qanoq iliuuseqarniarpa?
- Kalaallit Nunanni akuerisaanngitsumik sulisoqarnermik ajornartorsiut misissuiffiginiarlugu ministeri qanoq iliuuseqarniara?