Indonesiamiut Nunatsinnukarusuttut

Indonesiamiut amerliartuinnartut Indonesiami illoqarfiit pingaarnersaanni danskit ambassadeat aqqutigalugu visum-imik qinnuteqartarput - tamakku Kalaallit Nunaannik takunnikkusupput

Indonesiamiut amerliartuinnartut Nunatsinnik takunnikkusupput. Assi: Leiff Josefsen

Kalaallit Nunaat indonesiamiunit assut soqutigineqarpoq.

Tamanna Indonesiami illoqarfiit pingaarnersaanni Jakartami Danmarkip ambassadeanit kisitsisit ersersippaat, Børsen ullumi allappoq.

Ambassademi maluginiarneqarpoq ukiut pingasut kingulliit ingerlaneranni visum-imik qinnuteqartut assut amerlisut.

2009-mi indonesiamiut 2800 Danmarkimut taamallu Kalaallit Nunaannut isersinnaanissamut visum-imik qinnuteqarput, ukioq manna naatsorsuutigineqarluni kisitsit 4200-mut qaffariaateqartoq, qaffariaat 50 procentiulluni.

Børsen naapertorlugu kisitsit qaffariarpoq pissutigalugu indonesiamiut amerliartuinnartut Kalaallit Nunaannik takunnikkusunnerat pissutaalluni.

Powered by Labrador CMS