Kissaatigisaq: Kalaallit amerlanerit sakkutuunngorlik

Kalaallit amerlanerit naalagaaffeqatigiit sakkutuuini Nunatsinni peqataanissaat politikkikkut soqutigineqarnera ersarippoq

Assi pisuusaatitaq: Jens Dige/Polfoto.

Danmarkimi politikerit akornanni isumaqatigiissutigineqarpoq Kalaallit Nunaannik aamma Issittumik illersuinerup nukittorsarneqarnissaa.

Ilaatigut eqqarsaatersuutigineqarpoq Kalaallit Nunaanni allatut iliorluni pinngitsaaliissummik sakkutuunngortitsisoqartarnissaa imaluunniit sakkutuut suliaannik aallusserusuttut arlaatigut iliorfigineqarnissaat, Nils Wang kontreadmiral aamma Forsvarsakademimut pisortaq oqarpoq:

- Politikkikkut soqutigineqarnera ersarippoq; Kalaallit inuusuttut Kalaallit Nunaanni sakkutuunut sakkulisartunut akuutinneqarnissaat, taanna Weekendavisimit apersorneqarluni oqarpoq.

- Kalaallit namminneq illersorneqarneranni peqataatinneqarunik nukittunerusumik ingerlatsisoqassagaluarpoq. Isumaqarpungalu kalaallit inuusuttorpassuit tamanna misilikkusukkaluaraat. Kalaallit Nunaata Danmarkillu ataqatigiinnerannut aamma nukittorsaataassaaq, Nils Wang nalilersuinermini nangippoq.

Illersornissaq pillugu Danmarkimik isumaqatigiinniarneq maanna ingerlanneqarpoq - aningaasaliissutinik annikillileerujussuarnissaq eqqartorneqarpoq kisianni isumaqartoqarpoq Issittumi atugassat amerliniarneqartut.

Powered by Labrador CMS