Ove Karl isornartorsiorneqarneq sakkortooq tunngavissaqannginnerarpaa

Allakkatigut ammasukkut nalinginnaasumik isumaqatigiinngissuteqartartut sulinermik inuussutissarsiutillit kattuffiat SIK aamma Kalaallit Nunaanni Sulisitsisut peqatigiiffiat, GA ippassaq aatsitassanut aamma inuussutissarsiornermut naalakkersuisoq Ove Karl Berthelsen, IA isornartorsiorpaat, taassuma Impact Benefit Agreement (IBA) London Miningimik Isukasiani savimminissiorfiliorniarlutik pilersaaruteqartunik isumaqaqigiinniarnerit aaqqissuunneqarneri pillugit.

Isornartorsiuisut Ove Karl Berthelsen avissaartuutsitsinerarlugu uparuarpaat:

- Politikkikkut akisussaasutut illit Kalaallit Nunaanni avissaartuneq - katersuunnerunngitsoq - pilersippat London Miningimik isumaqatigiinniarnernut atatillugu. Uagut arlalippassuariarluta kaammattuutigisarparput nunamit soqutigineqartut isumageqqullugit taamaakkaluartoq illit London Mining isumaqatigiinniarnerni isumaqatigalugulusooq issiavutit, SIK aamma GA tutsiupput.

Ove Karl Berthelsenip tamanna tusaajumanngilaa. Kalaallit Nunaanni ataatsimoorluta London Miningimik isumaqatigiinniassaagut, tusagassiivinnut nalunaarummi tutsiuppoq.

Men det vil Ove Karl Berthelsen ikke høre tale om. Grønland vil stå samlet over for London Mining, understreger han i en pressemeddelelse:

London Miningilu isumaqatiginnilinnginnitsinni ataatsimoorluta, tassalu Namminersorlutik Oqartussat, kommunit soqutigisaqaqatigiillu pingaarutillit ingerlatseqatigiiffimmik isumaqatiginninniarnissatsinnut piareersarluarnissarput pingaartuuvoq. Tamanna – oqaatigineqareersutut – oqaloqatigiinnikkut pitsaanerpaamik pissaaq. Tamanna isumaqatiginninniarnermut ingerlassanut tunngatillugu isumaqatiginninniarnerit ammasuullutillu tamanik takunniffiunissaannut tunngaviuvoq, Ove Karl Berthelsen isumaqarpoq.

Naalagarsiortinneqanngilagut

Ove Karl Berthelsenip oqaatigaa London Mining soqutigisaqaqatigiinnik ataasiakkaanik ataatsimeeqateqassasoq - tamanna SIK aamma GA'p ippassaq isornartorsiorpaat. Tamanna kukkunertaqanngitsoq takusinnaanerarpaa:

- Ilumoorpoq London Mining soqutigisalinnik qulaajaaniarluni ataatsimeeqateqassammat isumaqatigiinniarniviit aallartinnginneri sioqqullugit. Kisianni isumaqarpunga periuseq ajunngitsuusoq aammalumi demokratiskimik ingerlatseriaaseq taamaattussaasoq.

Taamaattumik Naalakkersuisut sinnerlugit ingerlassami GA’p SIK’llu peqataanissaannut aammalu ataatsimiinnernut qaaqqusaaffigisaminnut takkunissaannik sakkortuumik kaammattuuteqarusuppunga. IBA-mik isumaqatiginninniarnernut siunnersuutitsialannut ammalluinnartuuvugut, Ove Karl Berthelsenoqarpoq:

- IBA-mik isumaqatigiissutip imarisai London Miningimit peqqussutaassanngillat – tassaassappulli illuatungeriit akornanni isumaqatiginninniutaasut, illuatungaani London Mining – illuatungaanillu Namminersorlutik Oqartussat aamma kommunit, nassuiaammi allassimavoq.