Filmip iluatsilluartup naanera allanngorpoq
Nunatsinni filmiliat takuneqarnerpaaq nutaamik naaneqassaaq blu-ray-itut saqqummersinneqaruni
Kalaallit filmiliaat Qaqqat Alanngui nunatsinni pisiniarfinni sapaatip akunneri marluk qaangiuppata pisiarineqarsinnaaleruni blu-ray-itut saqqummersinneqassaaq aamma allamik naaneqassasoq knr.gl. allappoq.
- Taamanikkut oqaluttuaq sanagatsigu allamik naaneqaraluarami, filmiliarineratali nalaani isumassarseriasaaratta naanermik allamik - taannalu naaneq filmertarfinni takutinneqanngitsoq maanna blu-ray-itut saqqumersitsinermi ilaatinneqarpoq.
Filmip saniatigut immiussat allat akunneq ataaseq sivisussuseqartut blu-ray-ip imarissavai, dvd-ertaani filmip saniatigut aamma immikkut immiussat 20 minutsinik sivisussuseqartut ilaapput. Saqqummersitani filmip sanitigut immikkut immiussani kalaallisut oqaasertaqassapput, ataatigut allagartalersugaanatik, taama Qaqqat Alanngui-ni ilitsersuisoq Malik Kleist oqarpoq.
Kalaallit filmiliaat Qaqqat Alanngui nunatsinni pisiniarfinni tallimanngorneq novembarip 16-iani pisiarineqarsinnaalissaaq, knr.gl allappoq.