Nathan aamma Anguti sapiitsuliornertik nersornaasissutigaat
Nathan Kreutzmann aamma Anguti Kristiansen "ukiup ikiueqqaartuisut" toqqarneqarput, februaarimi Nuummi angummik ipilersumik annaassinermik kingorna
Maajimi Nathan Kreutzmann aamma Anguti Kristiansen Nuummi politiinit nersornaatisisinneqarput isseqisoq sapiitsuliorsimanertik pillugu, februaari qiteqquttoq angummik Nuutoqqami umiarsualivimmi ipilersumik annaasiniarsimanertik pissutigalugu.
Angutit inuusuttut sapiitsuliornertik kingumut nersornaasissutigaat.
Tamatumuuna Kalaallit Røde Korsiata nalliuttorsiorneranut atatillugu Nathan Kreutzmann aamma Anguti Kristiansen "ukiup ikiueqqaartuisut" nersornaasigaapput.
- Nersornaammik tunniussinermut atatillugu angutit marluk namminneq inuunertik ulorianartorsiortillugu imaani nilleqisumi nalullutik ajunaalersumik annaassisimanerat isiginiarneqarpoq. Ipilersup niaquata immap qaavaniinnissaa isumagaat, pilertortumik nunaliaallu ikiorneqarnissamillu kalerriillutik, Nathan Kreutzmann aamma Anguti Kristiansenip nersornaaserneqarnerannut atatillugu tunngavilersuisoqarpoq, tamarmik diplominnapput aamma checki 5.000 koruuninik nalilik pissarsiaraat.