- Ippinnarpoq

SIK-p siulittaasuata Jess G. Berthelsenip neriniartarfinni Asiaminik atorfinitsisarnerup annertusiartornera nuannarisorsuunngilaa

SIK-p siulittaasuata Jess G. Berthelsenip nunatsinnit Asiamiit sulisussarsiornerujartorneq nuannarisorsuunngilaa. Foto: Leiff Josefsen

Soorlu ullumikkut siusinnerusukkut saqqummiunneqareersoq nunatsinni akunnittarfinni neriniartarfinnilu sulisussat annertunerujartortumik Thailandimiit Filippinerinillu pissarsiarineqartarput.

2011-mi januaarimiit Filippinerit 81-it Thailandimiullu 39-t nunatsinnut suliartorsimapput.

Tamannalu imminut assortuuttoq SIK-p siulittaasuata Jess G. Berthelsenip oqaatigaa.

- Nunatsinni nunaqavissut ilinniarsimanngitsut suliffissaaleqisut taama amerlatigitillugit tamanna ippinnarpoq, Jess G. Berthelsen avisen.dk-mut oqarpoq.

Avisen.dk-mut erseqqissarpaa 'inuit Thailandimeersut allaneersulluunniit ajoriffissaqartingilavut. Imminulli assortuuppoq nunatsinni taama suliffissaaleqisut amerlatigillugit. Tamannalu tupinnanngitsumik ilaasortatsinnit naammagineqanngilaq'.

Sermitsiaq.AG Jess G. Berthelsenimik itisileeqqusigaluarpoq.

Imminut assortuuttoq pillugu uku atuakkit "- Debat er ren følelsesporno" og "GA giver systemet skylden".

Illit tamanna qanoq isumaqarfigaajuk? Ajornartorsiutaava?

Powered by Labrador CMS