Asiip isornartorsiuinera AGF-mit akerlilerneqartoq

Arctic Green Food, AGF, Ittoqqortoormiini tunitsiviup ukioq ataaseq sinnerlugu matoqqasimaneranut akisussaaffiup ilaanik tigusiumasinnaavoq, akisussaaffilli tamakkerlugu tigujumanagu.

Kommuneqarfik Sermersooq aamma pisooqataavoq, borgmesterip Asii Chemnitz Narup isornartorsiuinerata kingorna tunisassiornermut pisortaq Arne Spicer Lindgren oqarpoq.

Læs "Asii: Det er uacceptabelt, AGF"

- Ilumoorpoq AGF kommunilu suliniuteqarsimammata 2011/12-imi ingerlanneqartussaagaluartumik, assigiinngitsunilli pissuteqartumik kinguartinneqartumik. AGF aalajangermat maanna piffissanngortoq kommuni naaggaarpoq; ukioq aningaasaqarnikkut aqutsiviusoq nutaaq iserfigineqarsimavoq taamaattumillu aningaasat pigineqarunnaarlutik Arctic Green Food qanoq ingerlasoqarsimaneranik nassuiaavoq.

Læs "Atassut-krav: Åbn nu, AGF"

- Taamaattumik AGF suliniummik unitsitsisuunngilaq, AGF-ilu kisimi suliamut kinguarsaasuunngilaq, Arne Spicer Lindgren oqarpoq, Asii Chemnitz Narupillu oqaatigisaraluartut tunisassiorfik aserorsimannginnerarlugu.

- 100.000 koruunit nalinginut iluarsaassinissaq amigaataavoq taava tunitsivik atorsinnaalissaaq, taamaattumik aserorsimaneranik oqarneq suminngaanneernersoq paasiuminaatsippara.

Læs "Ane Hansen: Det er meget uacceptabelt"

Qanorluunniit pisoqaraluarpat Ittoqqortoormiini tunitsiveqarneq Arctic Green Foodip ammaqqikkusuppaa:

- AGF-ip Ittoqqortoormiini tunitsiveqarneq aallartikkusuttorujussuuaa, tamaani tunisassiassaqarmat atorsinnaasatsinnik, kisianni sooq ineriartornartumik suleqatigiinngilagut immitsinnut saqqummiuttaqattaarnata.

Arctic Green Food piffissami kingullermi isornartorsiorneqangaatsiarpoq ingerlatseqatigiiffiup tunisassiorfiisa ilaat matoqqammata, tamannalu namminersorlutik oqartussanut kiffartuussinissamut isumaqatigiissummik unioqqutitsinertut politikerinit arlalinnit isumaqarfigineqarmat.