Sianiutiluttunut naleqqutinngillat
AG upernaaq iluatsitsinini nangeqqippaa - atuartartut nassuiaatissaqartinngisaminnik misigisimasatik allaaseraat
Arnap utoqqasaap aappariit inuusuttut siniffimmi nalasut isiginnaarpai. Anaanaq toqereersoq soorlu sanioqquttoq. Oqaluttuallu allat atuartussamik anersaanngitsoortitsingajattut.
Sapaatip akunnerani AG saqqummersumi atuartussat ilaatigut tamakku aliikkutarisinnaavaat aviisimi maanna saqqummersoq qiiaamminartunik ulikkaarpoq. Qupperinerit 16-it atorlugit atuartartut misigisaminnik eqqumiitsunik oqaluttuarput. Oqaluttuat pitsaanersaatut nalilikkat atuakkit - Gitte Tilsted, Hans-Siverth Møller aamma Jonna Therkelsen - nassuiaatissaqanngitsunik misigisalikkersaarput.
Oqaluttuat amerlanernik eqqarsalersitsisut nunap qilaallu akoranni arlaannik nalusatsinnik peqartoq.
Sianiutitit ajortiappata atuassanngilatit. Imaluunniit ilannit siulliullutit atuarit. Kingullermik aviisimi ersinartulersaaratta aviisit nungullugit pisiarineqarput.
Aviisi nittartakkamut ivertitassat uani pisiarisinnaavat: