- Misigissutsit atorlugit oqallinneq
Sulisussanik Asiameersunik neriniartarfinnut tikisitsisarneq misigissutsit atorlugit oqallinneruvoq, neriniartarfiutilik oqarpoq
2011-p aallartinneraniit 2012-mi aggustimut qaammatini 20-ni Filippineriniit 81-it Thailandimiillu 39-t nunatsinni sulinissaminnik akuerineqarsimapput, avisen.dk naapertorlugu Danmarkimi nunat allamiunut aqutsisoqarfianiit kisitsisit takutippaat.
Taamaalillutik Asiamiit innuttaaffeqartut marluk nunatsinnut suliartortunit amerlanerpaapput, Slovakiamiit, Kroatiamiit Polenimiillu suliartortunit amerlanerullutik.
Tamannalu imminut assortuuppoq, SIK-miit Jess G. Berthelsen oqarpoq:
- Inuit Thailandimeersut allamiulluunniit ajoriffissaqartinngilavut. Tamannali imminut assortuuppoq suliffissaaleqineq taama annertutigitillugu. Tamannalu soorunami ilaasortatsinnit naammagineqanngeqaaq, Jess G. Berthelsen avisen.dk-mut oqarpoq.
Læs "GA giver systemet skylden"
Asiamiilli suliartortut pillugit oqallinneq 'misigissutsit kisiisa atorlugit oqallinneruvoq', Nuummi neriniartarfinni 100 missaannik sulisulik Jørgen Pedersen oqarpoq.
- Eqqortoq unaavoq Nuummi sulisussat atorfissaqartitakka pissarsiarisinnaanngikkikka. Pilaassaguit nakorsaq pilaasartoq piumanerussavat neqilerisuminngaaniit, Jørgen Pedersen avisen.dk-mut oqarpoq, nangillunilu avataaniit suliartortut sulisumi akornanni 17 procentiusut.