Danmarkimi ilinniarsinnaanermut isumaqatigiissut nutaaq
Danmarkimi kalaallit qaffasinnerusumik ilinniagaqarniarlutik ingerlaqqinniartut pillugit kalaallit qallunaallu isumaqatigiissuteqarput
Ilinniartitaanermut Ilisimatusarnermut nunanilu avannarlerni suleqatigiinnermut naalakkersuisoq Palle Christiansen, qallunaallu ilinniartitaanermut naalakkersuisuat Morten Østergaard ataatsimoorlutik Danmarkimi kalaallit qaffasinnerusumik ilinniagaqarniarlutik ingerlaqqinnissaannut isumaqatigiissut atsioqatigiissutigaat.
Isumaqatigiissuteqarnikkut uppernarsarneqarpoq nunatsinni ilinniarnertuunngorsimanermut allagartaqartut inuiaat allat oqaassiinik oqaaseqarnissamik immikkut ittumik piumasaqaat naammasigaat, ilinniartitaanermut ilisimatusarnermullu naalakkersuisoqarfik nalunaarpoq.
Danmarkimi inuiaqatigiinnut tunngasunik annertusisamik ilinniarfinni tassalu bacheloritut ilinniarnerni amerlanertigut piumasaqaataasarpoq ilinniarnertuunngornermi tuluttut B-mik angusaqarsimanissaq saniatigullu nunat allamiut oqaasiinik ilinniagaqarsimanissaq. Nunatsinni ilinniarnertuunngorniarnermi pinngitsoorani qallunaatut kalaallisullu ilinniartitaanermi qaffasissuseq A ilinniartitsissutigineqartussaavoq. Kalaallisut ilinniartitaaneq ilitsoqqussaralugu oqaatsitut kiisalu aallarterlaatut oqaatsilluunniit aappaattut ingerlanneqartussatut neqeroorutigineqarpoq.
Læs "Avalak: Vores eksistensgrundlag i fare"
Isumaqatigiissuteqarneq ilinniartitaanikkut ilisimatusarnikkullu nunat akornanni pitsaasumik suleqatigiinnermut tigussaasumik takussutissaavoq, Palle Christianse erseqqissaavoq.
Isumaqatigiissut marlunngornermi Helsinkimi nunat avannarliit siunnersuisooqatigiivisa ministerillu ilinniartitaanikkut ilisimatusarnikkullu siunnersuisooqatgiivisa ataatsimiinneranni peqaqaanermi atsiorneqarpoq.
Nammineq oqaaserinagu kalaallisut ilinniartitaanerup akuersissutaanera immikkut ittumik paasissutissiissutaajumaarpoq www.sunngu.gl – mi