DMI: Sandy Kalaallit Nunaannut anngussinnaavoq
Sandy sapaatip-akunnerata naanerani Kitaanut anngussinnaavoq, Danmarks Meteorologiske Institut naliliivoq
Kiattup anorersuarujussua Sandy nutaarsiassaqartitsivik AP naapertorlugu Caribiami USA-lli qeqqani kangisissuanilu inuit ikinnerpaamik 107-t inuunerannik akeqartoq Kalaallit Nunaannut ingerlaarsinnaavoq.
Taama DMI, Danmarks Meteorologiske Institut, naliliivoq.
Taama pisoqarpoq kiattup anorersuarujussuarisimasaa Sandy maanna naqitsiniisaffinngormat, naqitsiniisaffillu ulluni aggersuni avannamut avannamut-kangimullu ingerlaassaaq Atlantikullu avannaatiguussalluni. Taamaalilluni Sandy Kitaanut anngussinnaavoq.
Kiattuni naqitsiniisaffiit issittumi aporaaffiup nillernerusortaanut pigaangamik tammariartulersarput. Nunallu assingani takutinneqartutut Sandy maannakkorpiaq issittumi aporaaffiup nillernerusortaaniippoq.
Læs "Storm Ludvigsen: Det var ret voldsomt"
Læs "Forventer dødstallet stiger"
Læs "Storm Ludvigsen klar til orkanen Sandy"
Siallingaatsiarsinnaasoq
- Tamatuma kinguneranik naqitsiniisaffik ulluni aggersuni avannarpariartuaassaaq sakkukilliartussalluniu. Tamatuma peqatigisaanik naqitsiniisaffinngussaaq annertoorujussuarmik matussusiisoq. Naqitsiniisaffik aamma sialuttaqangaatsiassaaq, qaqqani Canadallu avannarpasinnerusortaani nittaalannguuttussamik, DMI-mi silasiortoq Jesper Eriksen nassuiaavoq.
- Suli ungasinnerusumut qiviarutta naqitsiniisaffik Hurricane Sandytut aallartittoq Atlantikoq ikaarlugu ingerlaqqissaaq - tamatumuuna avannarpasissukkut. Naqitsiniisaffik Kalaallit Nunaannut ingerlaqqissaaq, tamaanilu sapaatip-akunnerata naanerata tungaanut ingerlaneranilu siallertitsingaatsiassallluni, Jesper Eriksen dmi.dk-mut nassuiaavoq.