Umiarsualiviup siunissaa aalajangiivigineqangajalerpoq
Jens B. Frederiksen sakkortuumik isornartorsiorneqareerluni maanna oqarpoq Nuummi umiarsualiviup allilerneqarnissaa piviusunngussanersoq naalakkersuisut sapaatip-akunnerani tullermi tamanut saqqummiutissagunagaraat
Nuummi umiarsualiviup allilerneqarnissaa Naalakkersuisunit sapaatip-akunnerani tullermi akuersissutigineqanngikkuni itigartinneqassagunarpoq.
Kommuneqarfik Sermersooq ippassaq namminersorlutik oqartussanut sakkortuumik isornartorsiuteqareersorlu attaveqarnermut naalakkersuisoq Jens B. Frederiksen, Demokraatit, Sermitsiaq.AG-mut taama oqarpoq.
Læs "Kommune revser selvstyret"
- Arlaannik pisoqanngippata ungasinngitsukkut, qularnanngitsumik sapaatip-akunnerata tulliani, aalajangiisoqassaaq, Jens B. Frederiksen oqarpoq.
Akilersinnaassuseq qularnaarusukkaat
Naalakkersuisut qanoq aalajangiussaqarnissaat Jens B. Frederiksenip Sermitsiaq.AG-mut suli oqaaseqarfigerusunngilaa.
Kommuneqarfik Sermersooq ippassaq erseqqissaassuteqarpoq Nuummi umiarsualiviup nutaap amigaataanera inuiaqatigiinnut ukiumut millioninik marlunnik kisitsisitalinnik akeqartartoq - Naalakkersuisullu suli aalajangiussaqarsimannginnerat akuersaarneqarsinnaannginnerarlugu.
Kisianni Naalakkersuisut piffissaqarluarusunnerat pissusissamisuuginnarpoq, Jens B. Frederiksen oqarpoq:
- Suliassat piffissamik atuiffiusarput. Suliassat torersumik naatsorsorneqassapput aamma suliarisatta akilersinnaanerat qulakkeertussaavarput, oqarpoq.