Sandy kiammik sialummillu nassarluni qanilliartorpoq
Sapaatit akunnerata naanerani ulussaarsuaq Sandy nunatsinnut annguppat kiatsissaaq. Ingammik kujataa kiatsissaaq, naliliisoqarpoq
Danmarks Meteorologiske Institut / Danmarkimi silasiorfik DMI marlunngormat naliliisorlu kiattup ulussaarsuarisimasaa Sandy nunatsinnut ingerlaarsinnaasoq TV2 ingerlaqqilluni ullumi naliliivoq sapaatit akunnerata naanerani Sandy nunatsinnut anngukkuni kiammik nassataqarsinnaasoq.
Læs "DMI: Sandy kan ende i Grønland"
læs "Sandy har dræbt mindst 122"
TV2 Vejret naapertorlugu pingasunngormat ullaaralaakkut Nuummi sisamanik issippoq Kangerlussuullu mittarfiani 12-nik issilluni. Tamannali allanngussaaq Sandy takkuppat:
- Kalaallit Nunaata kitaata kujataani tamarmi silaannaq kissartoq Sandyp kujataaniit nassataa sinerissami 5 angullugu kiaqartitsissaaq, allaallu Kangerlussuarmi issigunnaarluni imaliliorlunilu silallissaaq.
- Sapaatit akunnerata naanerani tamarmi tulliatalu ilaani kiallunilu siallissaaq, vejret.tv2.dk allappoq.
Ikinnerpaamik inuit 122-it ajunaarput
Kiattut ulussaarsuarisimasaa Sandy Amerikami tusagassiuutit arlaqartut naapertorlugit Caribiani USA-llu kangiata qeqqani inuit ikinnerpaamik 122-it inuunerannik naleqarpoq.
Aserorterinera qanoq annertuginersoq suli tamakkiisumik ilisimaneqanngilaq, mianersortumilli eqqoriarneqarpoq 100 milliard koruunit missaanniissasoq.