Nutserinermut aningaasartuuteqarpallaarput
Kommuneqarfik Sermersuumi allakkianik nutserinermut aningaasartuutit aqunneqarsinnaajunnaarsimapput. Maannakkut misissuisoqarnialerpoq
Kommuneqarfik Sermersuumi nutserisoqarfik suliassarsuarnik tatineqarpoq, avataaniillu nutserisitsinermut aningaasartuutit aqunneqarsinnaajunnaarsimallutik. Ukiup ataasiinnaap ingerlanerinnaani nutserisunut avataaneersunut aningaasartuutit 2011-mut naleqqiullugit 1 million koruuninik amerlariarsimapput.
Taamaattumik tassunga tunngasut misissorneqaqqittariaqarput. Tamanna oktobarimi kommunalbestyrelsep ataatsimiinneranit imaqarniliami allassimavoq.
Naatsorsuinerimmi takutippaat taamatut sulisoqaannassappat ukiup naalernerani aningaasartuutit 4,155 million koruuniussasut.
Aningaasaqarnermut ataatsimiititaliami nalilerneqarpoq allaat sulisut tamarluinnarmik nutsigassanik noqqaasartut piffiussaliunneqartoq naapertorlugu suliassallu piffissaagallartillugu suliakkiutigisarlugit nutserinermut immikkoortortamit piffissaq eqqorlugu suliassat tamarmik naammassineqarsinnaanavianngillat avataaniit nutserisunik ikiorteqarani.
Kommuneqarfik Sermersooq amerlanerusunik nutserisussarsiortarsimagaluarpoq allallunili kingullermik pissarsiorneq iluatsitsiffiusimanngitsoq.
Læs også: Sprogdebat så det batter
Læs også: - Sproglov er imod grundloven
Læs også: Næsten ingen gider at læse grønlandsk
Maannakkut Nuummi tallimanik qaammammusialinnik nutserisoqarpoqo Tasiilamilu ataatsimik. Ingerlatiinnarlugu nutserineq immikkut ittumik akissaateqartinneqarpoq. Nutserisut avataaneersut quppernermut ataatsimut aallartinneqartumut 229,81 koruuneqartinneqartarpoq tamannalu aamma ingerlatiinnarlugu nutserinermut atorneqartarluni. Aningaasaqarnermut ataatsimiititaliami nalinerneqarpoq apeqqusiinngivilluni suut tamarmik nutsertinneqartartut.
Maannakkut nutserisunut avataaneersunut 2,704 koruunit atorneqartarput, kommunillu namminerisaminik nutserisuinut qaammammusiaqartunut 1,570 million koruuniullutik.
2012-mi nutserisunut avataaneersunut atugassaapput 3,67 million koruunit, taakkunanngalu 2,15 million koruunit ukiup affaanut atorneqarsimapput, tassalu ukiumi tassani missinersuutigineqartunit 58,5 procentit.