Ilinniarnertuunngorniat Finlandimi takutitsissapput

Qaqortumiit ilinniarnertuunngorniat 15-it ataasinngorpat Helsinkimi nipilersorlutik isiginnaartitsillutillu takutississapput

Nuummi eqqumiitsuliornermut ilinniarfiup saavani kalaallit containeriat. Foto: Napa

Ataasinngorpat Finlandimi illoqarfiit pingaarnersaanni Helsinkimi Nunat Avannaarliit Ministeriisa Siunnersuisooqatigiivisa ataatsimiinneranni kulturikkut pikialaartitsinermi 'Tingimi' kalaallit aamma peqataassapput.

Tamanna pissaaq Napap ukiuni 25-nngortorsiuilluni saqqummersitsinerani ’Norden Rundt – Sikup Sinaavanit Eqqumiitsuliat’ takutinneqarpat. Suliniutaavoq Islandimi, Savalimmiuni, nunatsinni, Ålandimi Finlandimilu inuusuttit eqqumiitsuliortut suliakkerneqarlutik 'nunartik containerip iluanut ikeqqullugu'.

Ullormi tassani nipilersornikkut isiginnaartitsinikkullu saqqummersitsinersuarmi nunanit avannarlerniit tamanit inuusuttut 200-init sinneqartut peqataassapput. Nunat tamarmik minutsini 10-ni nipilersorlutik isiginnaartitsissapput siunnersuisooqatigiit ataatsimiinneranni takutinneqartussamik.

Powered by Labrador CMS