Islandimi nunap sajorujussuarnissaanik ilimasaarisoqarpoq
Islandimi upalunaarsimasoqarfiup qanittukkut nunap sajorujussuarsinnaanera ilimasaarutigaa
Islandimi oqartussaasut ilimasaarutigaat nunap avannaani nuna sajorujussuarsinnaasoq qanittukkut pisinnaasoq, innuttaasullu upalungaarsimasariaqartut.
Mianersoqqusineq pivoq sumiiffimmi tassani ukiuni 20-ni nun aatsaat taama sajutsigisorlu.
Upalungaarsimatitat oqaatigaat sajunneq sinerissamiit nunap 20 kilometerinik tiffasinnerusumi pisimasoq, tamannalu nunatta kitaana nalunaaqutaa malillugu sisamanngormat ualikkut mianersoqqusinermut peqqutaasoq.
Upalungaarsimasut oqaatigaat sajunneq 5,6-iusimasoq taamatullu sajuppillannerit nunap sajorujussuarneranik kinguneqarajuttartut.
- Inuit susoqarsinnaanersoq nalugamikku ernumapput, Fjallabygdimi qatserisartut pisortaat Amundi Gunnarsson oqarpoq.
Erseqqissarpaali ulluinnarni inuuneq nalinginnaasumik ingerlasoq naak nunap sajunnissaa ernummatigineqaraluartoq.
Avannaata sineriaaniipput illoqarfeeqqar mikinerit arlallit tusindilikkaanik innuttaqartut.
Islandip avannaani illoqarfiit annersaraat Akureyri 17.000-nik inoqartoq.
Ujarassiooq Benedikt Ofeigsson oqarpoq Islandimi illut nunap 7-mik sakkortutigisumik sajunnermut atasinnaasutut sanaajusut.
- Nunap taama sakkortutigisumik sajunnerani sooruni ajoqusertoqassaaq. Illulli ataannassapput oqarpoq.