Siulittaasoq ataqqinartoq

Kinaluunniit demokratiimit qaffasinnerulersinnaanngilaq taamaattoq inoqarpoq allanit qaffasinnerulaamik inissisimasunik. Inatsisartut ukiumoortumik nalunaarutaanni siulittaasoq quppernerni saqqumilaartuuvoq

Josef Motzfeldt, IA, Inatsisartut siulittaasuat. Assi: Leiff Josefsen

Josef Motzfeldt, Inatsisartut siulittaasuat, IA, Inatsisartut ukiumoortumik nalunaarutaani Tuusi sumi tamani peqataavoq.

Inatsisartuni ilaasortat 31-upput kisianni nalunaarusiami assitaliunneqarsimasuni quppernerpanni siulittaasup ataqqinartup suliai sunerilu takussaaqaat.

Ilami 2011-mut ukiumut nalunaarummi assinit 32-nit Tuusip assingi 23-upput. Assersuussiussagutta Kuupik Kleistip assingi marlussuinnaapput nunatsinnilu illuatungiliuttut partiivisa annersaata siulittaasuata Aleqa Hammondip assinga ataasiinnaalluni.

Allaaserisaq sapaatip akunnerani AG'mi saqqummersumi atuaruk Josef Motzfeldtillu nammineq nassuiaataa paasillugu. Aviisi nittartakkap naqqani pisiarineqarsinnaavoq:

Powered by Labrador CMS