Deadlinemi nunatsinni akunnattoorneq

Kinamiunut sulisartunut atatillugu akunnattoorneq DR2-mi 'Deadline'-mi arfininngornermi unnukkut sammineqarpoq. IA-meersoq Naaja Nathanielsen Nuummiit toqqaannartumik peqataavoq

Naaja Nathanielsen DR2-mi aallakaatitamut Deadlinemut peqataavoq, tassanilu nunatta sulisartut nunanit allaneersut pillugit sooq immikkut inatsiseqartariaqarnera nassuiarlugu. Asseq: Screendump DR2

Kalaallit Nunaanni avataaneersunik sulisoqarnissaq pillugu oqallinneq arfininngornermi unnukkut DR2-mi 'Deadlinem'-mi sammineqarpoq, tassanilu Inatsisartunut ilaasortaq Naaja Nathanielsen, IA, Inatsisartuni inuussutissarsiornermut ataatsimiititaliamut aamma siulittaasuusoq, nunatsinniit toqqaannartumik peqataavoq.

Tassami immikkut inatsisissaq suliniutinut angisuunut London Miningip Isukasiani saviminissarsiorfiliariginiagaanut Maniitsumilu Alcoa aluminiumik aatsitsiviliariniagaanut avataaneersunik sulisoqarnissamut aqqutissiuussisussaq marlunngorpat Inatsisartuni siullermeerneqassaaq. Immikkut inatsisissaq taanna akuerineqarpat nunanit allaneersunut inatsisip allanngortinneqarnissaanik qallunaat siunnersuutaannut atassuserneqassaaq.

Naaja Nathanielsenip apersorneqarnermini aallakaatitsivimmi aqutsisoq Martin breu, nassuiaappaa suliniutit annertuut piviusunngortinneqarnissaat sooq Kalaallit Nunaannut taama pingaartigisoq. Inatsisisallu oqaasertaalersugaanera Sulisitsisisut Peqatigiiffiata siulittaasuata Brian Buus Pedersenip aamma SIK-p siulittaasuata Jess G. Berthelsenip aallakaatitami isornartorsioraluaraat Naaja Nathanielsen isumaqarpoq 'najoqqutassat' malilluinnarlugit sulisoqarsimasoq:

- Siunnersuutitsinni allassimavoq Kinamiut sulisartut SIK malillugu akissarsiaqartinneqassasut.

- Taava eqqumiiginnarpoq paasillugu sulisartut nunanit allaneersut Kalaallit Nunaanni isumaqatigiissutit ataaneeqqusaannginnerat. Sulitsisunik sulisartunillu tapersersorneqarani inatsimmik taama ittumik akuersissutiginnittoqarsinnaagami?

- Sulisartut avataaneersut ilaasortanngornissaannut pinngitsaalisinnaanngilavut. Inatsisissatut siunnersuut tusarniaassutigisimavarput. Isornartorsiuinerullu ilaa tusaatissatut tigullugu. Marlunngorpat siullermeerneqassaaq. Najoqqutassat tamaasa malillugit suliaraarput, Naaja Nathanielsen oqarpoq.

Aallakaatitaq tamakkerlugu takusinnaavat uani - apersuinq aallakaatitap aallartinneraniit minutsit 15-it qaangiunneranni aallartippoq.

Læs også - Kineserne bliver forgyldt

Læs også: Fagbevægelse raser over socialdumpning

Powered by Labrador CMS