Narsami ukiarnerani qiiaamminartulerineq
Narsami piffissami matumani meeqqanut inuusuttunullu sammisassarpassuaqarpoq
Atuartut ukiakkut atuanngiffeqarneranni Narsami Katersugaasivik pinaveersaartitsinermut allaffik suleqatigalugu atuartunut mikinernut nuannarineqarluartumik sammisassaqartitsivoq.
Innuttaasut illuani piorsarsimassutsimut tunngasunik suliaqarfiusartumi A21-mi pingasunngornermiit tallimanngornermut 'halloween-horror' qulequtsiullugu qiiaamminartulerisoqarpoq græskarinik naneruarfiliorluni, kiinnat qalipatsillugit kiinarpaliorlunilu. Tamannalu ussagarneqarluarpoq. Narsami Sermitsiaq.AG-mit alakkaatitarput John Rasmussen pingasunngornermi ualikkut alakkaajartormat illu meeqqanik saviit qalipaasiutillu atorlugit ulapputtunik ulikkaarpoq, meeqqat 40-50-it missaanniillutik angajoqqaallu qulit sinneqarlutik.
Se også billeder fra en aktiv efterårsferie i Sisimiut
Ualikkulli amerlanerit illumit aniapput, timersortarfissuarmi atuartut aamma arsamik unammiuaarmata.
- Piffissami niggerajulluni silap pitsaavallaanngiffigisaani suliniut pitsaasoq, John Rasmussen oqarpoq.