RAL: Kinngunissaanut aarlerinaateqanngilaq

Sarfaq Ittuk ikkarleqqasoq 30 gradinik uersimagaluartoq ullup-qeqqata qaangilaarnerani umiarsuup kinngunissaanut aarlerinartoqanngitsoq RAL naliliivoq

Sarfaq Ittup ikkarleqqasoq 30 gradinik uingagaluartoq ullup-qeqqata qaangilaarnerani kinngunissaanut aarlerineqartoqanngitsoq, RAL naliliivoq. Assiliisoq: Robert Holmene

- Sarfaq Ittuk makittarippallaanngilaq. Umiarsuaq 30 gradit missaannik uingasimassasoq nalilerpara, kisianni kinngunani 60 gradit angullugit uersinnaavoq.

- Umiarsuaq ikkarllummit suli kaanngartinniarsaraarput. Umiarsuup kinngunissaa maannakkorpiaq aarlerinaateqanngilaq.

Roayl Arctic Linemi Arctic Umiaq Linemik piginnittumi paasissutissiisartoq Jakob Strøm nal. 12.30 taama nalunaarpoq.

Paasissutissaativut malillugit Sarfaq Ittuk Polar Seafoodimit nusullugu kaanngartinniarneqarpoq.

Galleri: Sarfaq Ittuks nye grundstødning

Læs også "RAL: Sådan er uheldet sket"

Læs også "Sarfaq Ittuk igen grundstødt"

Jakob Strøm oqaluttuarpoq Nuummi umiarsualivimmi sinersortaatip ataasinngornermi ullaakkut nal. 09.20 ikkarliffigisaani nal. 13 tininnerpaassasoq.

Sarfaq Ittuk sapaatip-akunnerani kingullermi pingasunngornermi Qaqortumi ikkarlinnermi kingorna misissortissalluni amutsivimmiippoq.

Sermitsiaq.AG pisumut malinnaavoq - assinik nutaanik takkuttoqassaaq

Powered by Labrador CMS