Nive kusanavissumik allaaserineqartoq

Sapaatip-akunnerata naanerani kusanavissumik nersornaatisereersorlu Nive Nielsen Danmarkimi tusagassiuutinit sammineqarlualerpoq. 'Nive silarsuarmik tiguaavoq', allattoqarpoq

Nive arfininngormat kunngissakkut nersornaasiuttagaani Stjernedrys-prisimik nersornaaserneqarmat taamaappoq. Asseq: DR.dk

Nive Nielsen naalagaaffeqatigiinnerup avataani qangalili nersualaarneqarluartarpoq, erinarsortartorli kalaaleq sapaatip-akunnerata naanerani kunngissakkunnit Stjernedrys-prisimik nersornaaserneqareersorlu Nive Nielsen Danmarkimi tusagassiuutinit soqutigineqarlualerpoq.

Nive Nielsen BT-mi 'Nive silarsuarmik tiguaavoq' qulequtsiullugu nersualaarneqarluarpoq.

Læs også "Nive: Jeg er så glad og stolt"

Læs også "Nive fik kronprinsparrets Stjernedrys-pris"

Allaaserisami oqaatigineqarpoq arfininngormat nersornaasiisoqarnerani Nive Nielsen allanit sammineqarnerusoq Danmarkimilu rockimik tusaamasat soorlu Nephew taallerlugit.

Tamatuma saniatigut Nive Nielsenip erinarsortartuunera allaaserisami oqaluttuarineqarpoq filmiliaritittarnermilu Colin Farrellimi suleqateqarsimanera iserfigineqarluni.

Powered by Labrador CMS